ماہنامہ عبقری - اپریل 2011ء

مراقبے کے جب کمالات کھلیں گے تو حیرت کا انوکھا جہان اور مشکلات کا سو فیصد حل خود آپ کو حیرت زدہ کر دے گا۔ Meditation یعنی مراقبہ جہاں ازل سے روحانیت کی ترقی اور مشکلات کے حل کا علاج رہا ہے وہاں جدید سائنس نے اسے امراض کا یقینی علاج بھی قرار دیا ہے۔ ہزاروں تجربات کے بعد عبقری کے قارئین کے لئے مراقبے سے علاج پیش خدمت ہے۔ سوتے وقت اگر با وضو اور پاک سوئیں تو سب سے بہتر ورنہ کسی بھی حالت میں صرف 10 منٹ بستر پر بیٹھ کر بلا تعداداَللّٰہُ الصَّمَد کا ورد اول و آخر 3 بار درود شریف پڑھیں پھر لیٹ جائیں۔ جس مرض کا خاتمہ یا الجھن کا حل چاہتے ہوں اس کو ذہن میں رکھ کر یہ تصور کریں کہ ” آسمان سے سنہرے رنگ کی روشنی میرے سر سے سارے جسم میں داخل ہو کر اس مرض کو ختم یا الجھن کو حل کر رہی ہے اور اس وظیفے کی برکت سے میں سو فیصداس پریشانی سے نکل گیا/گئی ہوں“ یہاں تک کہ اس تصور کو دہراتے دہراتے نیند آ جائے۔ شروع میں تصور بناتے ہوئے آپکو مشکل ہو گی لیکن بعد میں آپ پر جب اسکے کمالات کھلیں گے تو حیرت کا انوکھا جہان اور مشکلات کا سو فیصد حل خود آپ کو حیرت زدہ کر دےگا۔ مراقبے کے بعد اپنی کیفیات فوائد اور انوکھے تجربات ہمیں لکھنا نہ بھولیں۔ مراقبے سے فیض پانے والے محترم حکیم صاحب السلام علیکم! میں اپنے گھریلو حالات کی وجہ سے بہت زیادہ پریشان تھی۔ میرے سارے بچے تقریباً موسمی بیماریوں میں مبتلا رہتے تھے۔ ایک ٹھیک ہوتا تھا تو دوسرا بیمار ہوجاتا تھا۔ (میرے پانچ بچے ہیں دو بیٹیاں اور تین بیٹے)۔ اس کے علاوہ میں خود بھی بلڈپریشر کی مریضہ ہوں۔ جس کی وجہ سے میں ہر وقت ٹینشن میں رہتی تھی اور ہمارے گھر میں ہر وقت لڑائی جھگڑا رہتا تھا۔اس کے علاوہ میرے شوہر کا کاروبار بھی دن بدن ختم ہوتا جارہا تھا۔ میں نے ایک دن عبقری میں مراقبے کا عمل دیکھا اور اس کو امید کی آخری کرن کے طور پر پورے اعتماد سے کیا۔ اس مراقبے کے عمل نے میری دنیا ہی بدل دی۔ میرے بچے بھی دن بدن صحت یاب ہونے لگے اور میرے شوہر کا کاروبار بھی اب دن بدن بہتر سے بہتر ہورہا ہے۔اس مراقبے کی برکت سے میرا بلڈپریشر بھی اب کنٹرول میں رہنے لگا ہے۔ (شائستہ‘ لاہور) ٭٭٭٭٭٭٭ پچھلا صفحہ